ԵԱՀԿ գործող նախագահ, Շվեյցարիայի ԱԳՆ ղեկավար Դիդիե Բուրկխալթերը գտնում է, որ ազգային երկոսության մեկնարկն Ուկրաինայում թույլ կտա կայունացնել քաղաքական իրավիճակը երկրում։ Այս մասին ասվում է կազմակերպության մամուլի ծառայության հրապարակած հայտարարությունում։ Բուրկխալթերի խոսքերով՝ ԵԱՀԿ–ն պատրաստ է նաև հետագայում աջակցել ուկրաինական իշխանություններին՝ ապահովելով կազմակերպչական և փորձագիտական օգնություն հատուկ դիտորդական առաքելության և նախագծերի համակարգման ուկրաիանական գործակալության կողմից։ Նա նաև հույս է հայտնել, որ ազգային երկխոսությունը թույլ կտա կայունացնել քաղաքական իրավիճակը մայիսի 25-ի նախագահական ընտրություններին ընդառաջ։

«Այդ գործընթացի մեկնարկը, իրականացված Ուկրաինայի նախկին նախագահներ Լեոնիդ Կրավչուկի և Լեոնիդ Կուչմայի կողմից, նոր հնչեղություն կտա հետագա խորհրդակցություններին, որոնք պետք է իրագործվեն շրջաններում»,–գտնում է Բուրկխալթերը։

Նշենք, որ նախօրեին Գերագույն ռադայում ազգային միասնության «կլոր սեղան» է անցկացվել, որում քննարկվել են Դոնբասում իրավիճակի կարգավորման խնդիրները, սահմանադրական բարեփոխումները, իշխանության ապակենտրոնացումը, կաշառակերության դեմ պայքարը և մի շարք այլ հարցեր։

Տեղեկացնում է «ԻՏԱՌ-ՏԱՍՍ»–ը։