Աբխազիայի ընդդիմությունը չի պատրաստվում հանրապետությունում կոալիցիոն կառավարություն ձևավորել։

«Մեզ պաշտոններ հարկավոր չեն։ Խոսքը միայն նախագահի հրաժարականի մասին է: Կգա ժամանակը, ըստ Սահմանադրությամբ հաստատված կարգի՝ կնշանակվեն նախագահական ընտրություններ: Այն ժամանակ էլ ով կընտրվի, նա էլ թող ձևավորի կառավարություն»,-«ՌԻԱ նովոստի»-ի փոխանցմամբ՝ ասել է Աբխազիայի ընդդիմության առաջնորդ Ռաուլ Հաջիմբան։

Հիշեցնենք, որ ավելի վաղ Հաջիմբան հայտարարել էր, թե ընդդիմությունը ստանձնում է հանրապետության կառավարումը՝ պահանջելով Աբխազիայի նախագահի հրաժարականը։