Եվրախորհրդի նախագահ Հերման վան Ռոմպեյը խոստացել է Ուկրաինայի և Վրաստանի համար Եվրամիություն առանց վիզային ռեժիմ։ Բացի այդ ԵՄ–ը երաշխավորել է ուկրաինական, վրացական և մոլդավական տնտեսությունների ամբողջական ներգրավվածությունը եվրոպական շուկա ։ «Մեր նպատակը՝ ձեր տնտեսությունների ամբողջական ինտեգրումն է ԵՄ շուկա։ Առանց վիզային ռեժիմը մեր հասարակություններին ավելի մոտ կդարձնի, այն արդեն գործում է Մոլդավիայի համար», – ասել է Ռոմպեյը Վրաստանի, Մոլդավիայի, Ուկրաինայի հետ ասոցացման և ազատ առևտրի գոտու մասին համաձայնագրի ստորագրումից առաջ։