Ֆինանսական օժանդակությունը, որն ԱՄՆ–ն ուղղում է սիրիական ընդդիմությանը, հայտնվում է ծայրահեղական խմբավորումների ձեռքում։ Այս մասին հայտարարել է Իրանի ԱԳՆ ղեկավարի տեղակալ Հոսեին Ամիր Աբդոլլահիյանը։

Մայիսի վերջին ԱՄՆ նախագահ Բարաք Օբաման հայտարարել էր, որ ԱՄՆ–ը պատրաստ է ընդլայնել աջակցությունը սիրիական ընդդիմությանը։ Հունիսի 24-ին Օբաման խնդրել է Կոնգրեսին 500 մլն դոլար հատկացնել սիրիական ընդդիմության հրահանգման և սպառազինության համար։ ՌԴ արտգործնախարար Ս. Լավրովը հույս է հայտնել, որ այդ օժանդակությունը չի գնա սխալ հասցեով, իսկ ԱՄՆ պետքարտուղար Ջոն Քերրին հավաստիացրել է, որ գումարները կհայտնվեն այն ընդդիմության ձեռքում, որը տարաբաժանվել է ահաբեկիչներից։

Տեղեկացնում է «ՌԻԱ Նովոստի»–ն։