ՄԱԿ–ի մարդու իրավունքների խորհուրդը հուլիսի 23-ին հատուկ նիստ կանցկացնի Գազայի կապակցությամբ։ Նիստը հրավիրելու հայց նախորդ ուրբաթ հղել է Եգիպտոսը։

ՄԱԿ–ի մարդու իրավունքների խորհրդի կանոնների համաձայն՝ որպեսզի այդպիսի նիստ կայանա, անհրաժեշտ է խորհրդի 47 անդամների երրորդ մասի համաձայնությունը, այսինքն՝ 16 պետությունից ոչ պակասի։ Դրա կայացման գաղափարն աջակցություն է ստացել նաև Ռուսաստանի և Չինաստանի կողմից։ Նախատեսվող հատուկ նստաշրջանը, որն ավարտվում է բանաձևի ընդունմամբ, կդառնա 21-րդը Խորհրդի պատմության մեջ՝ ստեղծված 2006 թվականին։

Հիշեցնենք՝ հուլիսի 8-ին Իսրայելի պաշտպանության բանակը սկսել է «Պաշտպանական սահմանագիծ» գործողությունը Գազայի հատվածում «ՀԱՄԱՍ»–ի զինյալների դեմ։

Տեղեկացնում է «ԻՏԱՌ–ՏԱՍՍ»–ը։