Միջոցառման ժամանակ ԵՄ-Հայաստան խորհրդարանական համագործակցության հարցերի խորհրդատու Կայա Կրավչիկը շեշտեց ՀՀ ազգային ժողովի և ԵՄ ազգային խորհրդարանների միջև կապերի ամրապնդման անհրաժեշտությունը, որպեսզի հիմնադրվի ֆորում, որտեղ Հայաստանը կկարողանա ներկայացնել իր դիրքորոշումը: Խորհրդատուն առաջարկեց ՀՀ ազգային ժողովին կատարել ներքին փոփոխություններ՝ ադապտացվելով Եվրանեսթ խորհրդարանական վեհաժողովի կառուցվածքին և համագործակցության հնարավորություններ ստեղծել ԵՄ ազգային խորհրդարանների ներկայացուցիչների համար: Տիկին Կրավչիկը շեշտեց, որ խիստ անհրաժեշտ է գտնել լուծումներ ԵՄ հարցերին առնչվող միջխորհրդարանական համագործակցության համար վարչական օժանդակության համակարգի ստեղծման համար:

ԵՄ մոտարկման և կառավարման հարցերի խորհրդատու պարոն Իլմարս Սոլիմսը նշեց, որ «Գոյություն ունեցող վերահսկողության գործիքները պետք է ավելի արդյունավետ կիրառվեն: ՀՀ ազգային ժողովը պետք է կենտրոնանա ԵՄ ֆինանսական օժանդակության, այդ թվում ուղղակի բյուջետային օժանդակության վերահսկողության վրա: Նա ներկայացրեց մի շարք առաջարկություններ ԵՄ ինտեգրման ոլորտում կառավարության աշխատանքի նկատմամբ վերահսկողության բարելավման, ԵՄ օժանդակության ծրագրերի մշտադիտարկման և իրավական մոտարկման վերաբերյալ: Խորհրդատուն, նաև, նշեց Այցելուների ընդունելության և տեղեկատվական կենտրոնի հիմնադրման անհրաժեշտության վերաբերյալ: Կենտրոնը կխթանի քաղաքացիական հասարակության հետ ավելի կառուցվածքային համագործակցությանը:

Միջոցառմանը մասնակցեցին ՀՀ ազգային ժողովի, միջազգային կազմակերպությունների և ոչ պետական կազմակերպությունների ներկայացուցիչներ: