Առնվազն 12 մարդ է զոհվել, նույնքանն էլ՝ վնասվածքներ ստացել Ուտտար–Պրադեշ նահանգում՝ Հնդկաստանի հյուսիսում հորդարատ անձրևների ժամանակ կայծայի հարվածից։ Այս մասին հայտնում է «India Today»–ը։

Հորդառատ անձրևները նահանգի մայրաքաղաք Լաքխնաուում և այլ մասերում սկսվել են հինգշաբթի և օդերևութաբանների կանխատեսումների համաձայն՝ կուժգնանան այսօր։

Նախօրեին կայծակը հարվածել է տանը, որը 12 ուսանող էր վարձել. բոլորը վնասվածքներ են ստացել, երեքը լուրջ տուժել է։ Ավելի վաղ հաղորդվում էր, որ Հնդկաստանում և Պակիստանում հորդառատ անձրևների զոհ է դարձել 440 մարդ։ Տարերքի հետևանքով Հնդկաստանում ավելի քան 2.5 հազար գյուղ մասնակի կամ ամբողջապես ջրի տակ է անցել։

Տեղեկացնում է «ՌԻԱ Նովոստի»–ն։