Սեպտեմբերի 28-ին՝ ժամը 21.08-ին, ահազանգ է ստացվել, որ Հրազդան գետը վարարել է և լցվել քաղաքի մոտակա բնակավայրերը. անհրաժեշտ է օգնություն:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, ս.թ. սեպտեմբերի 27-ից՝ ժամը 18.00-ից, Սևանա լճից բաց է թողնվել 6 խ.մ/վ ջուր, իսկ ժ.15:00-ից՝ 8 խ.մ/վ ջուր, ինչից մասամբ ջրալցվել են Ջրառատ գյուղի տներից մի քանիսը:
Դեպքի մասին տեղեկացվել են «Սևան-Հրազդան Ջրառ» ՓԲԸ տնօրենը, Հրազդանի քաղաքապետը, Սևան-Հրազդան Կասկադի ավագ դիսպետչերը:
Ժամը 23.00-ի դրությամբ Սևանա լճից ջրի թողունակությունը նվազել է 1 խ.մ/վ, ինչից ջրալցումը դադարել է:
Սեպտեմբերի 28-ին՝ ժամը 17.53-ին, ահազանգ է ստացվել, որ տեղացած հորդառատ անձրևներից Հրազդան գետը դուրս է եկել հունից և վնասել Դդմաշեն գյուղի 5-րդ փողոցի տներից մեկի այգին:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, ս.թ. սեպտեմբերի 27-ից՝ ժամը 18.00-ից Սևանա լճից բաց է թողնվել 6 խ.մ/վ ջուր, իսկ ժ.15:00-ից՝ 8 խ.մ/վ ջուր, ինչից գետը վարարել է և վնասել Վ. Ղ.-ի 1200 քմ բանջարաբոստանային կուլտուրան:
Դեպքի մասին տեղեկացվել է ՃԿԿ-ում գյուղատնտեսության նախարարության պատասխանատուն, մարզպետարանի գյուղատնտեսության և բնապահպանության բաժնի պետը, իսկ ժամը 18.35-ին' գյուղապետը:
Ժամը 23.00-ի դրությամբ՝ Սևանա լճից ջրի թողունակությունը նվազել է 1 խ.մ/վ, ինչից ջրալցումը դադարել է: