Դավադրությունների տեսության սիրահարները հիշել են «Սիմփսոնները» հանրահայտ մուլտֆիլմից այն դրվագը, որտեղ ուղիղ տեքստով խոսվում է Էբոլա տենդի մասին, որը վերջին ամիսներին մի քանի հազար մարդու կյանք է խլել։

«Ինչպե՞ս են մուլտֆիլմի հեղինակները դա կարողացել կանխատեսել»,–զարմանում են շատերը։

«Metro»–ի փոխանցմամբ՝ սոցիալական ցանցերում տարածվել է 17 տարի առաջ նկարահանված «Սիմփսոններից» այն հատվածը, որտեղ Մարջը հիվանդացած Բարթին մանկական գիրք է տալիս ընթերցելու՝ «Հետաքրքրասեր Ջորջը և Էբոլան» անվանումուվ։ Գրքի շապիկին անկողնում պառկած կապիկ է պատկերված։

Բարթը չի ցանկանում կարդալ ահասարսուռ գիրքը՝ դրա փոխարեն նկարելով սարսափելի մի տեսարան, որտեղ արևը լացում է արյունալի արցունքներով, իսկ շուրջը բազմաթիվ դիակներ են։

7or.am