Թունիսի իշխանությունները  պաշտոնանակ արված նախագահ Զին էլ-Աբիդինա Բեն Ալիի նկատմամբ միջազգային ձերբակալման կարգադրագիր են արձակել։

Այս մասին հաղորդում է  «Agence France-Presse» գործակալությունը՝ վկայակոչելով արդարադատության նախարար Լազարար Կարոուի Չեբիի  հայտարարությունը։

Ըստ արդարադատության նախարարի՝ հրամանը տարածվում է ոչ միայն նախկին նախագահի, այլ նաև  նրա հարազատների վրա։

Նրանք բոլորն էլ մեղադրվում են  գույքի ապօրինի ձեռքբերման և միջոցները երկրից  դուրս բերելու համար։ Ավելի վաղ Թունիսի իշխանությունները Շվեյցարիային խնդրել էին սառեցնել նախկին նախագահի բանկային հաշիվները։

Հիշեցնենք, որ Զին էլ-Աբիդինա Բեն Ալին երկրից փախել է հունվարի 14-ին։ Դրան նախորդել են  մի քանի շաբաթ շարունակ ընթացող բողոքի գործողությունները։