Քրդական ինքնապաշտպանական ուժերը հետ են մղում «Իսլամական պետության» զինյալների գրոհները սիրիական Քոբանի քաղաքից արևելք։
Ինչպես տեղեկացնում է «Ալ–Վաթան» թերթը, աշխարհազորայինները նախօրեին ինը ծայրահեղական են ոչնչացրել։ Մի քանի վարձկան գերի է վերցվել։
Քրդական վարչական կենտրոնի պաշարումը շարունակվում է 40 օրից ավելի։ Կողմերի կորուստները գերազանցել են 800-ը։ Բնակիչների մեծ մասը՝ մոտ 200 հազար մարդ, փախել է Թուրքիա։
Իրաքյան քրդերը Թուրքիայի տարածքով Քոբանիում մարտնչող քրդերին զենք են ուղարկել, որը, ինչպես սպասվում է, այսօր կհատի թուրք–սիրիական սահմանը, և կժամանի քաղաք։ Այն ուղեկցում է 155 զինվոր փեշմերգաների խմբավորումներից։

Տեղեկացնում է «ՏԱՍՍ»–ը։