Այսօրվա ասուլիսին «Ագրարագյուղացիական միավորման» նախագահ Հրաչ Բերբերյանը հայտնել է, որ Արտակարգ իրավիճակների նախարարության տարածած այն հայտարարությունը, թե հոկտեմբերի վերջին որոշ մարզերում ջերմաստիճանը իջնելու է շուրջ 20 աստիճանով, լուրջ հարված է հասցրել գյուղացուն։

«Ներկայիս ցրտերը բնականոն են և որևէ վնաս չեն կարող հասցնել գյուղատնտեսությանը։ Իսկ ԱԻՆ հայտարարության պատճառով գյուղացին բերքը հավաքեց և տուժեց։ Փաստորեն, այդ օրերին ջերմաստիճանն այնքան չիջավ, ինչպես հայտարարվել էր, ու գյուղացին դեռ խակ բերքը հավաքեց, ու հիմա չգիտի՝ ինչ անի։ Ո՞վ է պատասխան տալու այս ամենի համար: Դրա մասին հայտարարո՛ղը պետք է պատասխանատվություն կրի»,- ասել է բանախոսը։

7or.am