Այսօրվա ասուլիսին Թռչնաբույծների միության նախագահ Սերգեյ Ստեփանյանը նշել է, որ շուկայում ձվի դեֆիցիտ չի գրանցվի, գինն էլ չի բարձրանա։

«Արտադրողի օգուտը մեկ հավկիթից ընդամենը 4-5 դրամ է, իսկ վաճառողը կրկնակի եկամուտ է ստանում»,–ասել է Ստեփանյանը։
Իր հերթին, Գյուղնախարարության սննդի անվտանգության պետական ծառայության անասնաբուժության տեսչության պետ Հովհաննես Մկրտչյանն ասել է, որ իրենց 12 կազմակերպություն է դիմել ձու ներկրելու համար։ Թույլատրվել է միայն չորսին, եթե ներկրելու պահանջ առաջանա։
Ինչ վերաբերում է հավերի քաշին, բանախոսը տեղեկացրել է, որ «նոր տեխնոլոգիաների կիրառմամբ՝ թռչունը 40 օրում կարող է հիսուն անգամ ավելի քաշ հավաքել»։