Մուհամմեդ մարգարեի ծաղրանկարը կլինի տպագրությանը պատրաստվող «Charlie Hebdo» հերթական համարի առաջին էջում։
Շապկի կանաչ հիմնագույնին պատկերված է իսլամի հիմնադիրը՝ մորուքով, սպիտակ հագուստով։ Ծաղրանկարի հերոսը տխուր դեմք ունի, այտով արցունք է հոսում։ Ձեռքում ցուցանակ է՝ «Je suis Charlie» («Ես Շառլին եմ»), որը վերջին օրերին համաշխարհային հնչեղություն է ստացել։ Շաբաթաթերթի առաջին վերնագիրն է՝ «Ամեն ինչ ներված է»։

«Շաբաթաթերթի լրագրողները մոտ 0։30–ին ավարտել են առաջին համարի աշխատանքները ահաբեկչությունից հետո, որին 12 մարդ է զոհ գնացել, – հաղորդել է փարիզյան խմբագրությունը։ – Այս բացառիկ պայմաններում №1178 թողարկումը կլինի 3 մլն տպաքանակով»։
«Charlie Hebdo»–ի նոր համարը վաճառքի կելնի հունվարի 14-ին՝ չորեքշաբթի։

Տեղեկացնում է «ՏԱՍՍ»–ը։