Լոս Անջելեսում կայացել է «Grammy» մրցանակաբաշխության 57-րդ հանդիսավոր արարողությունը:

«Տարվա երգ» անվանակարգում հաղթող է ճանաչվել Ջեյմս Նեյփիրի, Ուիլյամ Ֆիլիպսի և Սեմ Սմիթի համատեղ «Տtay With Me» ստեղծագործությունը:

Բրիտանացի երգիչ Սեմ Սմիթն այս տարի արժանացել է նաև «Լավագույն նորահայտ կատարող» մրցանակին։

«Տարվա լավագույն ալբոմ» է ճանաչվել Բեքի «Morning Phase» ալբոմը:

Բեյոնսեն հաղթել է երկու՝ «Լավագույն երգ» և «Լավագույն ելույթ» անվանակարգերում: Այս տարի երգչուհուն հաջողություններ բերեց հատկապես «Drunk in Love» երգը:

«Լավագույն ավանդական փոփ ալբոմ» է ճանաչվել Թոնի Բենեթի և Լեդի Գագայի «Cheek to Cheek» ձայնապնակը:

Դե, իսկ «The Marshall Mathers LP 2» ալբոմի համար «Լավագույն ռեփ ալբոմ» մրցանակին է արժանացել Էմինեմը։

7or.am