«Ռոսբալտ»–ի փոխանցմամբ՝ եգիպտական հատուկ նշանակության ուժերը Լիբիայի տարածքում առաջին ցամաքային գործողության արդյունքում «Իսլամական պետության» 150 զինյալ են ոչնչացրել, տասնյակ ահաբեկիչների՝ գերի վերցրել։

«Sky News Arabia»–ի տեղեկացմամբ՝ գործողությունն իրականացվել է ահաբեկիչների՝ Դերն քաղաքից արևելք ընկած մարզական ճամբարներից մեկում։ Ռազմարշավին մասնակցել է 30 եգիպտացի հատուկջոկատային, որոնք 2 զոհ են տվել։

Նշվում է, որ սա առաջին ցամաքային գործողությունն էր ԻՊ դեմ. մինչ այդ նրանց դիրքերը հրետակոծել է օդուժը։

Հիշեցնենք՝ փետրվարի 15–ին ԻՊ զինյալները տեսագրություն էին տարածել՝ ինչպես են հաշվեհարդար տեսել 21 եգիպտացի քրիստոնյայի հետ։ Դրանից հետո Եգիպտոսը սկսեց պատասխան քայլեր ձեռնարկել նախ օդից, ապա անցավ ցամաքային գործողության։

7or.am