Թուրքիան մտադիր է մշակել հակահրթիռային պաշտպանության համակարգ, որը համատեղելի կլինի ՆԱՏՕ–ի համակարգերի հետ։ Այս մասին հաղորդում է «Ռոյթեր»–ը՝ երկրի նախագահի ներկայացուցիչ Իբրահիմ Կալինին հղումով։

Ավելի վաղ Թուրքիայի պաշտպանության նախարար Իսմեթ Յիլմազը հայտարարել էր, որ իր երկիրը մտադիր է Չինաստանի հետ ստեղծել հակահրթիռային պաշտպանության համակարգ։ Նա նշել էր, որ այդ համակարգը չի ինտեգրվելու ՆԱՏՕ–ի համակարգին։

Այնուհետև երկրի Պաշտպանության նախարարության ներկայացուցիչը հաղորդել էր, որ վերջնական որոշում Թուրքիայի հակահրթիռային պաշտպանության համակարգի հարցով դեռևս ընդունված չէ։

Տեղեկացնում է «ՌԻԱ Նովոստի»–ն։