«showbiz411.com»-ի տեղեկացմամբ՝ 97-ամյա հայտնի հայ գործարար, միլիարդատեր Քըրք Քրքորյանը ցանկանում է ստեղծել «Շինդլերի ցուցակը» ֆիլմի հայկական տարբերակը։ Կինոժապավենը 1915-ին Օսմանյան կայսրությունում իրականացված Հայոց ցեղասպանության մասին է։

Նշվում է, որ նախագծի աշխատանքներին արդեն միացել են օսկարակիր ռեժիսոր և սցենարիստ, որոնց անունները դեռ չեն հրապարակվում։ Հայտնի է անգամ սցենարը՝ սիրային պատմություն Առաջին համաշխարհային պատերազմի տարիներին տեղի ունեցած Հայոց ցեղասպանության համապատկերին։

Աղբյուրի փոխանցմամբ՝ բավականին մեծ բյուջե ունեցող նոր ֆիլմի նկարահանումները հավանաբար կսկսվեն ամռանը Եվրոպայում։

7or.am