Այսօր Կիևում տեղի ունեցած մամուլի ասուլիսի ժամանակ Ուկրաինայի նախագահ Պյոտր Պորոշենկոյին հարցրել են «Հավասարության քայլերթի» մասին, որը հունիսի 6–ին անց են կացնելու սեռական փոքրամասնությունները։

«Ես դրան վերաբերվում եմ՝ ինչպես քրիստոնյա, և ինչպես երկրի եվրոպացի նախագահ։ Կարծում եմ, որ դրանք միանգամայն համադրելի երևույթներ են»,–ասել է Պորոշենկոն։ Այս մասին հայտնում է «Интерфакс»–ը։

Միաժամանակ, նա հավելել է, որ անձամբ ինքը չի մասնացելու այդ միջոցառմանը։

«Բայց ես այդ երթը խոչընդոտելու որևէ հիմք չեմ տեսնում, քանի որ դա Ուկրաինայի յուրաքանչյուր քաղաքացու սահմանադրական իրավունքն է»,–եզրափակել է Պորոշենկոն։

7or.am