ՀՀ տարածքային կառավարման և արտակարգ իրավիճակների նախարարության հիդրոօդերևութաբանական ծառայության օդերևութաբանության կենտրոնի պետի տեղակալ Գագիկ Սուրենյանն այսօր լրագրողներին հայտնել է, որ 2015թ. վերջին 172 տարիների ընթացքում ամենաերկարատև շոգ ամառն է գրանցվել մեր երկրում։

Հուլիս-օգոստոս ամիսներին 20 օր ջերմաստիճանը տատանվել է 38-39 աստիճանի սահմաններում, 15 օր՝ 40-41 աստիճանի:

Մինչև օգոստոսի 22-ը գրանցվել է չոր և սաստիկ շոգ եղանակ։

Նա նաև հայտնել է, որ առաջիկայում տեղումները կկրճատվեն, և օգոստոսի 30-ից հանրապետություն կներթափանցեն արևադարձային տաք հոսանքներ.

–Մինչև սեպտեմբերի 2-ն օդի ջերմաստիճանն աստիճանաբար կբարձրանա 2-5 աստիճանով: Օգոստոսի վերջին օրերին և սեպտեմբերի սկզբին կգրանցվի 28-30 աստիճան տաքություն,–ասել է Գագիկ Սուրենյանը:

7or.am