Մոլդովայի մայրաքաղաք Քիշնևում բողոքի գործողությունները շարունակվում են։ Ցուցարարները փակել էին դեպի խորհրդարան տանող ճանապարհները՝ բաց չթողնելու նախկին վարչապետ, Լիբերալ-ժողովրդավարական կուսակցության առաջնորդ Վլադ Ֆիլատին:

«Մեր կուսակցության» առաջնորդ Ռենատ Ուսատիյը ցուցարարներին կոչ է արել ստուգել բոլոր մեքենաները, որպեսզի Ֆիլատը չկարողանա խորհրդարանից դուրս գալ և փախչել երկրից:

Ինչպես հայտնում է «РИА Новости»-ն, ոստիկանությունը շրջապատել էր խորհրդարանը և ուժեր կենտրոնացրել այնտեղ։

Խորհրդարանը քննարկել էր Ֆիլատին պատգամավորական անձեռնմխելիությունից զրկելու հարցը։ Նա կասկածվում է երկրի ֆինանսա-բանկային համակարգից միլիարդ դոլար դուրս գրելու մեջ:

Որոշ ժամանակ անց հայտարարվել է, որ խորհրդարանը նրան զրկել է անձեռնմխելիությունից։

Նշենք, որ Ֆիլատը 2013 թ. պաշտոնաթող է արվել կաշառակերության համար:

7or.am