ԱՄՆ պետքարտուղարի՝ Եվրոպայի և Եվրասիայի հարցերով օգնական Վիկտորյա Նուլանդն այցելելու է Թուրքիա։ Այս մասին հայտնում է «Anadolu» գործակալությունը։

Նշվում է, որ այնտեղ նա քննարկելու է «Իսլամական պետություն» ահաբեկչական խմբավորման դեմ պայքարին, փախստականների ճգնաժամին, ինչպես նաև Թուրքիայի անվտանգությանն ուղղված այլ սպառնալիքներին առնչվող հարցեր։

Նուլանդը նաև այց կկատարի Իսպանիա և Հունաստան։

Իսպանիայում նա կմասնակցի ԱՄՆ պետքարտուղար Ջոն Քերրիի և Իսպանիայի թագավոր Ֆելիպե 6-րդի հետ հանդիպմանը։

Աթենքում էլ կքննարկի տնտեսական բարեփոխումներին, փախստականների ճգնաժամին ու էներգիայի աղբյուրների դիվերսիֆիկացմանն առնչվող հարցեր։

7or.am