ԵՄ երկրների ԱԳՆ ղեկավարները ծրագիր են մշակել, համաձայն որի՝ նրանք պատրաստ են աֆրիկյան մի շարք պետությունների 1,8 մլրդ եվրո առաջարկել, որպեսզի վերջինները հետ ընդունեն Եվրամիություն ժամանած ապօրինի ներգաղթյալների մի մասին։ Այս մասին հայտնում է «The Telegraph»–ը։

Նախարարները նաև «կանաչ լույս» են խոստանում Եվրոպա ժամանող Աֆրիկայի բարձրորակ աշխատողներին և ուսանողներին։ Հստակեցվում է, որ նրանց համար վիզային զիջողություններ կարվեն, և լեզվի ուսուցման դասընթացներ կկազմակերպվեն։

Ավելի վաղ հաղորդվել էր, որ փախստականների հոսքերից ստացվելիք երկարաժամկետ տնտեսական օգուտները կգերազանցեն ներգաղթային ճգնաժամի ծախսերը։

7or.am