Իրաքի հետախուզության պաշտոնական ներկայացուցիչները նախազգուշացրել են կոալիցիայի երկրներին «Իսլամական պետության» զինյալների ծրագրած գրոհների մասին Փարիզի ահաբեկչություններից մեկ օր առաջ։

«Associated Press»–ի փոխանցմամբ՝ չնայած զգուշացմանը, որ երկրում ծայրահեղական խմբավորում է գործում, որը մեծ ահաբեկչություն է նախատեսում մոտ ժամանակներում, ֆրանսիական կողմին ներկայացված փաստաթղթում կայանալիք գրոհների մասին որևէ այլ մանրամաս չի նշվել։

Ֆրանսիայի անվտանգության ուժերի ներկայացուցիչը հայտնել է, որ իր երկրի հետախուզությունը նման բովանդակությամբ բազմաթիվ նամակներ է ստանում ամեն օր։

Ավելի վաղ էլ Իրաքը հաղորդել էր, որ Փարիզում իրականացված գրոհների մասին Ֆրանսիան, ԱՄՆ–ն ու Իրանը հետախուզական տվյալներ են ունեցել։

7or.am