Թուրքակայի ոստիկաններն Անթալիայում ձերբակալել են «Իսլամական պետություն» խմբավորման 3 ենթադրյալ ահաբեկչի, որոնց կասկածում են Փարիզում նոյեմբերի 13-ին տեղի ունեցած ահաբեկչությունների մասնակցության մեջ։ Այս մասին հայտնում է «TodayZaman»-ը։

Նրանցից մեկը մարոկկացի 26-ամյա Ահմեթ Դահմանին է, ով փորձել է ապաստանել 5–աստղանի հյուրանոցում։ Կասկածներ կան, որ հենց նա է զբաղվել ահաբեկչությունների իրականացման վայրերի ընտրությամբ։

Մյուս երկու ձերբակալվածներն Ահմեթ Թահիրն ու Մուհամմադ Վերդին են։ Նախանշված էր նրանց հանդիպումը Դահմանիի հետ, որ քննարկեին նրա անվտանգ վերադարձի հարցը Սիրիա։

Տեղեկացվում է նաև, որ նրանք Թուրքիայի սահմանն անցել են կեղծ անձնագրերով։

«ABC News»–ն էլ հայտնում է, որ Փարիզի ահաբեկչությունների ենթադրյալ կազմակերպիչներից Սալահ Աբդեսլամը զանգահարել է իր ընկերներին և խնդրել օգնել գնալ Սիրիա։ Աբդեսլամի 2 ընկերները հայտնել են, որ նա գտնվում է Բելգիայում, իսկ իրենց է զանգահարել այս շաբաթ՝ «Skype»-ով:

Հիշեցնենք, որ Բելգիայում ահաբեկչության սպառնալիքի ամենաբարձր աստիճանն է հայտարարվել։

7or.am