ԱՄՆ նախագահ Բարաք Օբաման հայտարարել է, որ ամերիկյան հետախուզությունը չունի ինչ–որ տվյալներ Ամերիկային ահաբեկիչների կողմից սպառնացող գրոհների մասին։ Այս մասին գրում է «Գազետան»՝ «Reuters»–ին հղումով։

Այնուամենայնիվ, Օբաման կոչ է արել իր համերկրացիներին չկորցնել զգոնությունը։

«Սան–Բերնարդինոյի ահաբեկչությունը հարված էր բոլորիս, բայց այն ամրապնդում է մեր վճռականությունն ահաբեկչության դեմ պայքարում»,–ասել է Օբաման։

Հիշեցնենք՝ դեկտեմբերի 2–ին Կալիֆոռնիայի Սան–Բերնարդինո քաղաքում ահաբեկիչ ամուսինների բացած հրաձգության հետևանքով 14 մարդ էր զոհվել, 17–ը՝ վիրավորվել։

7or.am