Այսուհետև մոսկվացիները կարող են Ռուսաստան ներմուծվող արգելված թուրքական ապրանքների՝ խանութներում և շուկաներում գտնվելու մասին հայտնել թեժ գծով։ Բացի այդ, բողոք կարելի է ներկայացնել անմիջապես Ռոսպոտրեբնադզորի քաղաքային վարչություն։ Այս մասին հայտնում է ТАСС–ը։

Հիշեցնենք, որ 2016թ. հունվարի 1–ից Ռուսաստանն արգելել է մի շարք ապրանքների ներմուծումը Թուրքիայից։ Մասնավորապես, այդ երկիրը չի կարող մատակարարել մանդարին, նարինջ, խաղող, խնձոր, տանձ, ծիրան, դեղձ, նեկտարին, սալոր, մորի և ելակ։

Սահմանափակումների ցանկում են հայտնվել բանջարեղենը ևս (լոլիկ, վարունգ, ծաղկակաղամբ, բրոկոլի, սոխ), ինչպես նաև սառեցված մսի կտորները, հնդկահավերի և ընտանի հավերի ենթամթերքները։

Արգելքի տակ են հայտնվել նաև թուրքական մեխակի սերմերն ու աղը։

7or.am