«SHAMSHYAN.com»-ի տեղեկություններով՝ հունվարի 18-ին «Սուրբ Աստվածամայր» բժշկական կենտրոնի վերակենդանացման բաժանմունքում մահացել է Արմավիր քաղաքի բնակիչ, տեղի 4-րդ ավագ դպրոցի 8-րդ դասարանի աշակերտուհի, 14-ամյա Շուշանիկ Իսպիրյանը:

Երեխան, ով վրաերթի էր ենթարկվել հունվարի 11-ին, մահացավ, իսկ վրաերթը կատարողը, ով նրան թողնելով անօգնական՝ դեպքի վայրից դիմել էր փախուստի, հայտնաբերվել էր ոստիկանության Շենգավիթի բաժնի աշխատակիցների կողմից:

Հունվարի 11-ին՝ ժամը 16:00-ի սահմաններում, անհայտ մակնիշի և համարանիշի ավտոմեքենայի վարորդը Բագրատունյաց փողոցում` Երևանյան լճի կամրջի վրա, վրաերթի էր ենթարկել հետիոտն, 14-ամյա Շուշանիկ Իսպիրյանին: Վարորդը երեխային թողնելով անօգնական` դեպքի վայրից դիմել էր փախուստի: Վրաերթի ենթարկվածը ծայրահեղ ծանր վիճակում տեղափոխվել էր «Սուրբ Աստվածամայր» բժշկական կենտրոն: Շենգավիթի ոստիկանություն էին բերման ենթարկել Նոր Արեշ 26 փողոցի բնակիչ, 55-ամյա Տիգրան Աղաբաբյանին:

Մանրամասները՝ «SHAMSHYAN.com»–ում։