ՌԴ ԱԳՆ ներկայացուցիչ Մարիա Զախարովան հայտարարել է, որ հատկապես վերջին օրերին՝ Ժնևում միջսիրիական բանակցությունների գործարկման շեմին, ահաբեկչական խմբավորումներն ակտիվացել են։ Այս մասին հայտնում է «ՌԻԱ Նովոստի»-ն։

«Ակնհայտորեն փորձում են մարտական գործողությունների թատերաբեմում իրավիճակը փոխել հօգուտ իրենց։ Կառավարական դիրքերին հակահարվածների փորձերը ձեռնարկում են «Ջեբհաթ ան Նուսրա» և «Ահրար աշ Շամ» խմբավորումները։ Նրանք Թուրքիայից լուրջ աջակցություն են ստանում Հալեպի նահանգում»,- ասել է Զախարովան։

Նա նաև հավելել է, որ որոշ արտաքին ուժեր շարունակում են Սիրիայի ահաբեկչական խմբավորումներին զենք ու զինամթերք տրամադրել։

7or.am