Մեկնաբանություն

Ապրիլ 11, 2019 11:35

Փաշինյանը շանտաժ է անում Կրեմլին

Փաշինյանը շանտաժ է անում Կրեմլին

Նիկոլ Փաշինյանի վարչապետությունը լարվածություն է առաջացրել հայ–ռուսական հարաբերություններում, ՀԱՊԿ–ում և ԵԱՏՄ–ում։ Պատճառը «դասակարգային» է։

Յուրայինների մեջ օտարը

Այն ճանապարհը, որով իշխանության է եկել Փաշինյանը, ընդունելի չէ ԵԱՏՄ–ում։ Այդ ճանապարհն ընդունված է «գունավոր» հեղափոխություն համարել։ Ու թեև 2018–ին տեղի ունեցած «թավշյա հեղափոխությունը», ի տարբերություն Ուկրաինայում և Վրաստանում տեղի ունեցած «գունավոր» հեղափոխությունների, չունի հստակ ընդգծված հակառուսական ու արևմտամետ արտաքին վեկտոր, այդուհանդերձ, կասկածները Մոսկվայում մնացել են։

Փաշինյանը, փոխանակ փարատելու այդ կասկածները և ամեն ինչ անելու, որպեսզի հարթվեն իր ու ԵԱՏՄ լիդերների «դասակարգային» ճչացող տարբերությունները, ինչպես նաև ՀՀ և ՌԴ շահերից բխող դաշնակցային հարաբերությունները բարելավվեն, ամեն ինչ արեց հակառակ ուղղությամբ։

ՀԱՊԿ գլխավոր քարտուղար Խաչատուրովի դեմ արված քայլն ուներ ներքաղաքական նպատակ, բայց մեր արտաքին գործընկերները դա գնահատեցին որպես այդ կառույցի ու Մոսկվայի իմիջին հարվածելու քայլ։ Հատկապես երբ այդ քայլն ուղեկցվում էր ԱՄՆ նախագահի անվտանգության հարցերով խորհրդական Ջոն Բոլթոնի հետ Երևանի սիլի–բիլիով՝ «պատմական կաղապարներից հրաժարվելու» ծրագրի շրջանակներում։

Ռոբերտ Քոչարյանի գործոնը

Հայ–ռուսական հարաբերություններում լրջագույն լարվածություն է առաջացրել նաև ՀՀ 2–րդ նախագահ Ռոբերտ Քոչարյանի ապօրինի կալանավորումը։ ՌԴ նախագահ Վլադիմիր Պուտինն այդ կալանավորումն ընդունել է որպես անձամբ իր դեմ արված քայլ։ Պատճառը միայն այն չէ, որ Քոչարյան–Պուտին հարաբերություններն ընկերական են։

Պուտինի ու ԵԱՏՄ մյուս ղեկավարների համար Քոչարյանի ճակատագիրը վատ ազդակ է, քանզի այն կարող է վարակիչ լինել։ «Хотим как в Армении»-ն («ուզում ենք ինչպես Հայաստանում») կարող է «օդակաթիլային» ճանապարհով տարածվել, և հենց այդ պատճառով էլ Փաշինյանն անընդունելի է։

Պուտինը հայելու մեջ նայում և Քոչարյանի հետ տեղի ունեցողն է տեսնում։ Եվ բնական է, որ դա պետք է լրջորեն անհանգստացնի և նյարդայնացնի նրան։

Երբ Փաշինյանը նախկին նախագահ է կալանավորում, դրանով իսկ դառնում է հակահամակարգային ու անընդունելի, ընդ որում՝ ոչ միայն ԵԱՏՄ տիրույթում։ Նույնիսկ եթե նա, պատկերավոր ասած, 10 մատները մոմ դարձնի ու վառի Կրեմլի պատի տակ, ապա, միևնույն է, չի ընդունվելու Մոսկվայում ու մյուս մայրաքաղաքներում։

Հայաստանի ու Փաշինյանի շահերը հակադրվում են

Եթե Հայաստանն այս տարածաշրջանում չգտնվեր և չունենար լրջագույն խնդիրներ անվտանգության ոլորտում, ապա կարելի էր բանի տեղ չդնել Մոսկվայի ու մյուսների արձագանքը և վերաբերումունքը։ Բայց հայ–ռուսական հարաբերությունների բարձր մակարդակը և մեր պետությունների ղեկավարների լիակատար փոխըմբռնումը նաև մեր շահերից են բխում։ Ուստի պետք է Փաշինյանն ամեն ինչ աներ, որպեսզի մենք արտաքին ոլորտում ու հատկապես մեր ռազմավարական դաշնակցի հետ հարաբերություններում խնդիրներ չունենայինք վերը նշված պատճառներով։ Սակայն նա պետական շահը ստորադասեց անձնական հաշվարկներին ու քաղաքական նպատակներին։ Դա է պատճառը, որ ՌԴ–ն ամեն կերպ ցույց է տալիս, որ չի ընդունում այդ մոտեցումը։

Պատահական չէ, որ ՌԴ դաշնային հեռուստաալիքները Ռոբերտ Քոչարյանին համարում են քաղբանտարկյալ, իսկ Նիկոլ Փաշինյանին՝ փորձառու քաղաքական խառնակիչ Լևոն Տեր–Պետրոսյանի թիմակից ու 2008–ին տեղի ունեցած անկարգությունների կազմակերպիչ։ Սա շատ վատ մեսիջ է ոչ միայն Փաշինյանին, այլ նաև Հայաստանին։

Ի դեպ, Ադրբեջանում չեն էլ թաքցնում, որ ուրախ են Երևան–Մոսկվա հարաբերությունների վատացմամբ։ Նրանք սպասում են, որ այդ հարաբերությունների բացասական դինամիկան անցնի սահմանագիծն, ու դիմեն գրոհի, քանզի այսօր ռազմական գործողությունների վերսկսման խոչընդոտը բացառապես ՌԴ–ն է, ու դա լավ գիտի նաև Փաշինյանը (պատահական չէ, որ նա Վիեննայից վերադարձավ ու զանգեց Պուտինին՝ տեղեկություններ հաղորդելու Ալիևի հետ բանակցությունների մասին ու միջնորդական առաքելության համար շնորհակալություն հայտնելու)։

Փաշինյանն ամեն ինչ լավ գիտի, բայց նժարի տարբեր կողմերում է դրել ՀՀ շահը և իր «բզիկները»՝ նախապատվությունը տալով վերջինին։

Պարզունակ շանտաժ

«Ժողովրդի վարչապետը» ոչ միայն չի բարելավում հայ–ռուսական հարաբերությունները, այլ նույնիսկ փորձում է Ռոբերտ Քոչարյանի պահով շանտաժի դիմել Կրեմլին։

«Ռուսաստանյան որոշ հեռուստաընկերություններ, մասնավորապես «Ռոսիա» ալիքը, եթեր են հեռարձակում չափազանց ագրեսիվ հաղորդումներ՝ ակնհայտ հակահայկական ուղղվածությամբ, որոնք հայերի հանդեպ ատելության կոչ են անում»։ Այս մասին ապրիլի 10-ին գիտության, կրթության, մշակույթի, սպորտի և երիտասարդության հարցերի մշտական հանձնաժողովի նիստում «Հեռուստատեսության եւ ռադիոյի ազգային հանձնաժողովի 2018 թվականի գործունեության մասին» հաշվետվության ներկայացման ժամանակ ասել է «Իմ քայլը» իշխող խմբակցության պատգամավոր Նարինե Թուխիկյանը։

«Իմ քայլում», ինչպես հայտնի է, ընդունված է նույնացնել «Հայաստան» և «Փաշինյան» բառերը։ Նաև ընդունված է առանց Փաշինյանի հրահանգի, պատկերավոր ասած, անգամ զուգարան չգնալ։ Դա նշանակում է, որ Թուխիկյանը սեփական նախաձեռնությամբ չի խոսել, այլ կատարել է «վերևից» իջած հրահանգը։

Նիկոլն իր պատգամավորի շուրթերով հիմա սպառնում է փակել «Ռոսիա» ալիքը Հայաստանում, քանզի այդ ալիքով Քոչարյանի թեման են պարբերաբար արծարծում։ Վերջին անգամ դա արվեց շատ կոշտ ոճով, ինչը, բնականաբար, առանց Կրեմլի գիտության չէր կարող լինել։ Եվ ահա, Փաշինյանն ուզում է Կրեմլին շանտաժ անել, թե բա՝ տեսեք, Հայաստանում այսպիսի տրամադրություն կա, ու եթե շարունակեք Քոչարյանին պաշտպանող ու ինձ քննադատող ռեպորտաժներ տալ, ապա այդ ալիքը կարող է «բազմաթիվ հեռուստադիտողների խնդրանքով» փակվել։

Նա իր քայլարած պատգամավորուհու շուրթերով պահանջում է փակել «Ռոսիան» Հայաստանում, բայց, միևնույն ժամանակ, Հեռուստատեսության եւ ռադիոյի ազգային հանձնաժողովի իր նշանակած նախագահ Տիգրան Հակոբյանի միջոցով ընդդիմախոսում է փակմանը։ Այսինքն՝ մուկ ու կատու է խաղում։

Սա իրականում պարզունակ շանտաժ է։ Այդ շանտաժով ոչ մի բանի չես հասնի, իսկ ահա Մոսկվայում ադրբեջանական լոբբինգի ձեռքը հերթական փաստարկը կտաս։ Եվ այդ ամենը՝ անձնական շահերից ելնելով։

Եթե այս շանտաժին գումարենք նաև այն, որ օրերս «Իմ քայլի» մեկ այլ պատգամավոր և Փաշինյանի նեղ թիմի անդամ Անդրանիկ Քոչարյանը, ըստ մամուլի հրապարակումների, ԱԺ պաշտպանության և անվտանգության հարցերի մշտական հանձնաժողովի ընդլայնված նիստի ժամանակ հայտարարել է, որ 1999–ի հոկտեմբերի 27–ին տեղի ունեցած ահաբեկչության կազմակերպիչը ռուսական հատուկ ծառայություններն են, որոնք գործել են Պուտինի հրահանգով, ապա պատկերն ամբողջական կդառնա։ Կստացվի, որ «թավշյա» հեղափոխությունն, այդուհանդերձ, հակառուսական վեկտոր ունի։

Փաշինյանը, հանուն իր անձնական հաշվարկների, կրակի հետ է խաղում ու հարվածի տակ դնում հայ–ռուսական հարաբերությունները։ «Հպարտ քաղաքացիները» սա՞ էին ուզում։

Կորյուն Մանուկյան

Այս խորագրի վերջին նյութերը

Քայլելով տնտեսական հեղափոխության բլեֆը

Քայլելով տնտեսական հեղափոխության բլեֆը

Ապրիլ 24, 2019 09:21 Փաշինյանի միակ զենքը եղել և մնում է ատելությունը։ Իսկ ատելությամբ հեռու չես գնա։
Նիկոլ Փաշինյանը պաշտոնապես ներկայացրեց իր ծրագիրն Արցախի հարցով (տեսանյութ)

Նիկոլ Փաշինյանը պաշտոնապես ներկայացրեց իր ծրագիրն Արցախի հարցով (տեսանյութ)

Ապրիլ 23, 2019 14:20 Փաշինյանն ամենածանր գործի վրա է. ապահովում է «թավշյա հեղափոխության» տեսարանային մասն ու անվերջանալի ֆեյսբուքյան «լայվերը»։
Մի ուրվական է շրջում Հայաստանում, Կերենսկու ուրվականը

Մի ուրվական է շրջում Հայաստանում, Կերենսկու ուրվականը

Ապրիլ 23, 2019 12:50 Փաշինյանը շատ լավ հասկանում է, որ Վանեցյանին թիրախավորելով՝ իրականում թիրախավորել են իրեն։
Բա ասում էր` առարկայական քննարկումներ չկան

Բա ասում էր` առարկայական քննարկումներ չկան

Ապրիլ 22, 2019 18:30 1997թ. Տեր-Պետրոսյանն էլ հարցը կտրուկ էր դնում`պատերա՞զմ, թե՞ խաղաղություն։ Մնում է`Փաշինյանը կրկնի ադրբեջանցիների և սրանց տեսակետները:
Ուկրաինական դասեր Նիկոլ Փաշինյանի համար

Ուկրաինական դասեր Նիկոլ Փաշինյանի համար

Ապրիլ 22, 2019 10:45 Փաշինյանը քաղաքական առումով տեղավորվում է Ուկրաինայի պարտված նախագահ Պորոշենկոյի տիրույթում։
Գալիս է Արթուր Վանեցյանի հետ նկարները ջնջելո՞ւ ժամանակը

Գալիս է Արթուր Վանեցյանի հետ նկարները ջնջելո՞ւ ժամանակը

Ապրիլ 21, 2019 15:50 Հեղափոխականներն իշխանության գալուց հետո դառնում են ոխերիմ բարեկամներ։ Այսպիսին են հեղափոխական ժանրի կանոնները։ 
Դավիթ Սանասարյանով քանդվող կծիկը (տեսանյութ)

Դավիթ Սանասարյանով քանդվող կծիկը (տեսանյութ)

Ապրիլ 21, 2019 13:50 Հեղափոխությունը խժռում է իր զավակներին, իսկ զավակները խժռում են միմյանց։
Քանդուքարափ հեղափոխություն

Քանդուքարափ հեղափոխություն

Ապրիլ 20, 2019 11:05 Հանկարծ հիշել են անմեղության կանխավարկածը․ ավելի շուտ «սորոսական համերաշխության» ոլորտից է։
Նիկոլ Փաշինյանի երկակի ստանդարտները

Նիկոլ Փաշինյանի երկակի ստանդարտները

Ապրիլ 20, 2019 09:01 Այ այսպիսի ընտրովի անմեղության կանխավարկած։ 
Մի՛ մեղադրիր, որ չմեղադրվես

Մի՛ մեղադրիր, որ չմեղադրվես

Ապրիլ 19, 2019 12:55 Մի՛ եղեք Դավիթի պես։ Հարգե՛ք մարդկանց անմեղության կանխավարկածը, այդ թվում նաև՝ Դավիթի պարագայում։
Նիկոլ Փաշինյանի կետը (տեսանյութ)

Նիկոլ Փաշինյանի կետը (տեսանյութ)

Ապրիլ 18, 2019 12:25 Փաշինյանն արցախյան բանակցությունների թեմայով իր ու Սարգսյանի «կետերի» տարբերության մասին և՛ ճիշտ է ասում, և՛ սուտ:
Փաշինյանն՝ ընդդեմ Նիկոլի (տեսանյութ)

Փաշինյանն՝ ընդդեմ Նիկոլի (տեսանյութ)

Ապրիլ 17, 2019 17:35 Ախր, կոստյումը չի, որ պետք է գեղեցկացնի պաշտոնը։
Նոր Հայաստանում օրենքները և Սահմանադրությունը գործո՞ւմ են, թե՞ չէ

Նոր Հայաստանում օրենքները և Սահմանադրությունը գործո՞ւմ են, թե՞ չէ

Ապրիլ 16, 2019 21:30 Կարո՞ղ է օրենսդրությամբ ամրագրված խաղի կանոնները շարունակում են գործել, բայց Ռոբերտ Քոչարյանի վրա չեն տարածվում։
Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Նիկոլ Փաշինյանն՝ ընդդեմ ռուսական հեռուստաալիքների (տեսանյութ)

Ապրիլ 16, 2019 13:20 Թուխիկյանի «հուժկու» պահանջից հետո արդեն Փաշինյանն անձամբ «մեյդան» եկավ ու սկսեց կռիվ տալ ռուսական հեռուստաալիքների դեմ։
Ինչո՞ւ Մոսկվան չի հավատում Նիկոլի արցունքներին

Ինչո՞ւ Մոսկվան չի հավատում Նիկոլի արցունքներին

Ապրիլ 16, 2019 00:05 Նիկոլի և իր «շքախմբի» մանիպուլյացիաներին հավատացողների շարքերն արագորեն նոսրանում են։
«Թավշյա հեղափոխության» արյունոտ դեմքը (տեսանյութ)

«Թավշյա հեղափոխության» արյունոտ դեմքը (տեսանյութ)

Ապրիլ 15, 2019 10:40 Ներքին արյունահեղությունը խրախուսելը գործող իշխանությունների միակ տարբերակն է։
Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ալեքսանդր Լիտվինենկոն և Անդրանիկ Քոչարյանը՝ ընդդեմ հայ–ռուսական հարաբերությունների (տեսանյութ)

Ապրիլ 13, 2019 14:10 Անդրանիկ Քոչարյանը միշտ էլ «Լիտվինենկոյի վկա» է եղել։
Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Մանիպուլյացիան հասավ Ստրասբուրգ․ Փաշինյանի կրեդոն`շուստրիությունը դարձնել քաղաքական կատեգորիա

Ապրիլ 13, 2019 08:20 Օվացիաներ չեղան, դահլիճը չպայթեց բուռն և երկարատև ծափահարություններից։
Հանրահավաք ԵԽԽՎ-ում. Փաշինյանը նոր լսարան է գտել

Հանրահավաք ԵԽԽՎ-ում. Փաշինյանը նոր լսարան է գտել

Ապրիլ 12, 2019 18:35 Նիկոլ Փաշինյանը ԵԽԽՎ-ում կոչ արեց ադրբեջանցիներին հայերի հետ սոցցանցերում շփվել առանց հայհոյանքի ու այսպես ասած՝ քիրվայություն անել:
Կառավարությունը ճանապա՞րհ է բացում նոր օլիգարխի համար

Կառավարությունը ճանապա՞րհ է բացում նոր օլիգարխի համար

Ապրիլ 12, 2019 08:59 Փաշինյանը կոչ էր անում բիզնեսմեններին հարստանալ ու հարստացնել պետությունը և խոստանում, որ պետությունը միայն օգնելու է բիզնեսին։