Մեկնաբանություն

Մայիս 10, 2019 10:25

«Տնտեսական հեղափոխության» բենզինը

«Տնտեսական հեղափոխության» բենզինը

«Տնտեսական հեղափոխության» դրական արդյունքները հակադարձ համեմատական կապի մեջ են Նիկոլ Փաշինյանի ասուլիսների տևողության հետ։ Որքան քիչ են դրական արդյունքները, այնքան երկար է տևում ասուլիսը։

Կառավարության շեշտը հիմնականում դրված է քարոզչության վրա։ Օրինակ՝ ասում են՝ այսքանով ավելի գումար ենք հավաքելու պետական բյուջեում։ Դեռ տարին նոր է սկսվել, դեռ չեն հավաքել, բայց արդեն հպարտանում են, որ գերակատարում են բյուջեն։ Չեղած բանը որպես կայացած փաստ են ներկայացնում. կարևորը շոուն է։

Հպարտանում են նաև «խփած» ՀԴՄ կտրոնների քանակով։ Ինչքան ուզում, այնքան «խփում» են, բայց հպարտ քաղաքացիների կյանքում, մեծ հաշվով, բան չի փոխվում։

Մի ժամանակ հպարտության առարկա էր նաև բենզինի գինը։ Գինն իջել էր նավթի միջազգային գների անկման հետևանքով, բայց քայլարածներն իջեցումն իրենց էին վերագրում։ Հայտարարում էին, թե բա՝ բենզալցակայաններում բենզինի գինն իջել է հարազատ ու հեղափոխական կառավարության շնորհիվ, քանզի մոնոպոլիան վերցրել են, նոր խաղացողներ են մտել այդ ոլորտ, ու հիմա լրիվ ազատ խաղի կանոն է։ Դա, իհարկե, լկտի սուտ էր։ Հեղափոխական սուտ։ Բենզինի շուկան ոչ նախկինում, ոչ էլ հիմա մենաշնորհային չի եղել։ Կառավարությունն էլ ոչ մի քայլ այս շուկայում չի ձեռնարկել։ Նոր իշխանությունը դա լավ գիտի։ Գիտի, բայց քարոզչական առումով ուրիշ բաներ է տարածում։

Վերջին շրջանում բենզինի գինը մեզ մոտ թանկացել է։ Պատճառը կրկին միջազգային գների բարձրացումն է։ «Բրենտ» տեսակի նավթի 1 բարելի բորսայական գինն այժմ 70 ԱՄՆ դոլարի սահմաններում է։ Այս տարվա սկզբում նույն «Բրենտի» գինը տատանվում էր 50–55 դոլարի միջակայքում։ Գների անկումը սկսվել էր 2018–ի հոկտեմբերից՝ 85 դոլարից իջնելով մինչև 50–ի։ Հիմա կրկին նավթի գինը բարձրանում է։

Եվ այսպես, Հայաստանում բենզինի գինը թանկացել է միջազգային գների ուղղակի ազդեցության արդյունքում։ Քայլարածների քարոզչական փուչիկն, ըստ այդմ, պայթում է։ Ու որպեսզի տակից դուրս գան, հայտարարում են, թե բա՝ բենզինի գնի աճը կարող է ներքին պայմանավորվածության արդյունքում լինել։

Բա ասում էիք, թե Նիկոլի օրոք ամեն ինչ շտկվել է, ու շուկան ազատականացել է։ Բա ասում էիք, թե բենզինի գները «թավշյա հեղափոխության» ահից իջել են։ Ինչևէ։

Փաստորեն, երբ գներն իջնում են, Փաշինյանի թիմակիցները դա վերագրում են «ժողովրդի վարչապետին»՝ նախապես հայտարարելով, որ այլևս շուկան ազատականացրել են։ Բայց երբ բենզինի գինը լցակայանում թանկանում է, անմիջապես խոսում են այն մասին, որ սա մտահոգիչ է ու կարող է տնտեսվարողների կարտելային համաձայնության հետևանք լինել։ Որ մի քիչ էլ առաջ գնան, կարող են հայտարարել, որ բենզինի գնի վերջին շրջանի աճը հակահեղափոխական քայլերի հետևանք է. դեմագոգիան ներհատուկ է հեղափոխականներին։

Իրականությունն այն է, որ բենզինի շուկան ինչպես կար թավշյա հեղափոխությունից առաջ, այնպես էլ մնացել է։ Այդ շուկայում մենաշնորհ չի եղել։ Եղել են առնվազն 3 խոշոր ընկերություններ, ու ներքին մրցակցությունը միշտ էլ կատաղի է եղել, այդ թվում՝ մյուս՝ համեմատաբար միջին խաղացողների մասնակցությամբ։ Այլ հարց է, որ քարոզչական դաշտում միշտ խոսվել է բենզինային մենաշնորհի մասին, ու դա մարդկանց համար ականջահաճո է եղել։

Բենզինի շուկան մեծ չէ, և կառավարության թմբկահարած նոր խաղացողները չկան։ Հայաստանում բենզինի սպառման ամսական քանակը 12 հազար տոննայի սահմաններում է, ինչը հնարավորություն չի տալիս մանր խաղացողներ ունենալ այս շուկայում։ Մասշտաբի էֆեկտի խնդիր կա։

Բենզինի շուկայում կան մի քանի խոշոր ներկրողներ, որոնք էլ օբյեկտիվորեն եղանակ են թելադրում։ Նրանց թելադրած եղանակը, սակայն, ուղղակիորեն կախված է միջազգային գնային եղանակից։

Ի դեպ, միջազգային եղանակը հուշում է, որ բենզինի գները Հայաստանում կարող են ավելի թանկանալ։ Այս փուլում դեռևս վաճառվում է դրսից համեմատաբար էժան գնված բենզինը։ Հենց թանկ ապրանքը մտավ Հայաստան, լցակայաններում գները կբարձրանան։ Եթե գները դրսում իջնեն, մեզ մոտ էլ կիջնեն։ Ու կառավարությունն այստեղ զրո դերակատարում ունի։

Պետրոս Ալեքսանյան

Այս խորագրի վերջին նյութերը

«Իմ քայլը» դաշինքը հրաժարվե՞ց Նիկոլ Փաշինյանից

«Իմ քայլը» դաշինքը հրաժարվե՞ց Նիկոլ Փաշինյանից

Մայիս 26, 2019 13:00 Ումի՞ց է հրաժարվում «Իմ քայլը»՝ բռնության և գրեթե բռնության կոչեր հնչեցնող լյումպեն զանգվածի՞ց, թե՞ այդ զանգվածի կուռք ու խորհրդանիշ Նիկոլ Փաշինյանից։
Նիկոլ Փաշինյանի հունվեյբինների հանրահավաքը տապալվեց

Նիկոլ Փաշինյանի հունվեյբինների հանրահավաքը տապալվեց

Մայիս 26, 2019 12:45 Երեկվա խայտառակությունը ևս մեկ անգամ ցույց տվեց, որ լակոտիզմը մերժվում է հանրության կողմից։ Մերժվում է փաշիզմը։
Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:

Երկրորդ փուլի ցինիզմը

Մայիս 27, 2019 11:49