Մամիկոն Համբարյան. «Կրթական հաստատություններում աշխատող ուսուցիչներից բռնած 5000 դրամանոց քարոզչություն են վարում, ոմանք նույնիսկ հետապնդում են ՀՀ քաղաքացիներին՝ փորձելով խախտել նրանց ընտրության իրավունքը»։

Լիլիթ Գալստյան. «Հայրիկյանի ինքնասպանությունն ավելի համոզիչ է ու վերջնական, քան նրա նկատմամբ «մահափորձը»»։

Հարութ Սասունյան. «Փետրվարի 5-ին Երևանում իր նախընտական արշավի ժամանակ, Սերժ Սարգսյանը հայտարարել է, թե «ցեղասպանություն» և «եղեռն» բառերը նույնն են... Բոլոր նրանք, ովքեր պնդում են, թե Մեծ եղեռնը և ցեղասպանությունը հոմանիշներ են, պարզապես Օբամայի առջև ազատ ուղի են հարթում՝ թույլ տալով նրան չպահպանել իր լրջագույն խոստումը»։

Արեգ Գևորգյան. «Դերասանական բարձր վարպետության տիրապետող նախագահի թեկնածուն, որպես մասնագիտություն ամենևին նորություն չէ»։

Աշոտ Ադամյան. «Աշխարհիս տարբեր անկյուններից եկած դիտորդները ահա որերորդ ընտրությունները դիտարկում են ու ոչ մի կերպ չեն ուզում հասկանալ, թե ինչքան մեծ նշանակություն ունի 700.000 «մեռյալ հոգիների» օգտագործումը... Եվ ամեն անգամ արձանագրում են «բազմաթիվ թերություններ, բայց` քայլ առաջ, մեկ քայլ առաջ, երկու` ետ և այլ տիպի քայլեր...»։

Արմեն Զատիկյան. «Շիզոֆրենիան ահավոր հիվանդություն է, դրանով տառապող մարդը մեծ ցավ է պատճառում իր հարազատներին ու իր շրջապատին, իսկ ահա, երբ այդ աղետը սկսում է մասսայական տարածում ստանալ քաղաքական դաշտում, ապա դրա դիմացը չառնելու դեպքում այն կարող է վերաճել համազգային շիզոֆրենիայի»։

Արեգ Գևորգյան. «Փեսայական լրատվությունը խնդիր ունի առավելագույնս անլրջացնելու Հայրիկյանի կերպարը՝ ցույց տալու համար, որ իբր Հայաստանում գոյություն ունեն Սերժ Սարգսյանից էլ ավելի ծաղրելի թեկնածուներ»։

«Արդ, միասնական թեկնածուի հարցը մենք կարող ենք եւ պետք է քննարկենք, բայց դա կապ չունի քո` ՍԴ դիմելու խնդրի հետ»։

Վահրամ Մարտիրոսյան. «Դատելով հանդիսատեսի մեծ հոսքից` Երևանում ոչ բոլորն են ֆիլմին հումորով վերաբերվում՝ «Я Гарегин Нжде» ֆեյսբուքյան մեմի ազդեցությամբ»։

Ալեն Սիմոնյան. «Իսկ "ճիշտ" մասնագիտություն ընտրած մի քանի անուն հարկ չեն տա: Հասկացեք այստեղ գրելիս "ատամնաբույժ" ես նկատի ունեմ երևույթը և ոչ այդ կրակն ընկած բժիշկներին: Ու սենց կշարունակվի այնքան ժամանակ քանի դեռ չենք հասկանա , որ բոլորս նույն նավի մեջ ենք»:

Արամ Կարապետյան. «Ասեք տեսնեմ, ինչ սխալ, հակապետական, հակահայկական մտքեր են նրանք արտահայտում: Ուղղակի միանգամից նրանց վրա հարձակվելուց առաջ, միգուցե մտածեք երկրում իրականում մի բան փոխելու մասին, որ քննադատության առիթը վերանա...»։

Լուլու. «Բայց ինչ ուզում եք` ասեք. այս տարվա նախընտրական շրջանն ունիկալ է»։

Արեգ Գևորգյան, «Եթե առաջադրված թեկնածուների մեջ կան մարդիկ, որոնք չեն առաջնորդվել անձնական ինչ-որ շահերից ելնելով, այլ նպատակ ունեն իսկապես ազատվելու Հայաստանը բռնազավթած հանցագործներից, ապա օր առաջ պետք է դադարեցնեն Սերժ Սարգսյանի լեգիտիմացման գործընթացը և հայտարարեն իրենց թեկնածությունը հանելու մասին»:

Տաթևիկ Պողպատյան.«Իմ քվեաթերթիկի վրա գրված է լինելու՝ կհանդիպենք մարտի մեկին Ազատության հրապարակում»։

Արմեն Հովհաննիսյան. «Սերժը ոչ արևմտամետ է, ոչ արևելամետ: Նա տիպիկ գաղութային ադմինիստրատոր է՝ բնիկ վայրենիներից նշանկված մարզպան»։

Արեգ Գևորգյան. «Անհասկանալի է, թե ինչպես կարելի է վստահել Սերժ Սարգսյանին»։

Հարութ Սասունյան. «Չնայած հայկական հարցերի առնչությամբ Ջոն Քերիի աջակցության 30-ամյա տարեգրությանը, անցյալ շաբաթ, նոր պաշտոնն ստանձնելու հենց սկզբում նա ապացուցեց, որ նույնիսկ նման մտերիմ «բարեկամը» կարող է փոխել իր վաղեմի համոզմունքները»։

«... Իսկ եթե կարծում են, որ պայմանները բավարար են նորմալ ընտրություններ անցկացնելու և որպես քաղաքական ուժ բնական են համարում իրենց քաղաքական պայքարի մեջ մտնելը, ուրեմն ընդունում են, որ պայքարը քաղաքական է, հետևաբար պետք է ընդունեն նաև ընտրությունների արդյունքներ և շնորհավորել կանխորոշված հաղթողին: Հակառակ դեպքում ստիպված են լինելու կրկնել մեր նախապես արված գնահատակնները, բայց արդեն իշխանություններին մեծ ծառայություն մատուցելուց հետո»: