Քրդական «Դեմոկրատական միություն» կուսակցության առաջնորդ Սալեհ Մուսլիմը հայտարարել է, որ Ժնևում Սիրիայի հարցով կայանալիք բանակցություններին մասնակցելու հրավեր չի ստացել։ Այս մասին հայտնում է «Reuters»–ը։

Մուսլիմը նաև նշել է, որ տեղյակ չէ՝ հրավիրվե՞լ են արդյոք կուսակցության այլ ներկայացուցիչներ։

«Իհարկե, մենք անկեղծորեն ցանկանում էինք միանալ այդ բանակցություններին»,–ասել է քուրդ գործիչը՝ հավելելով, որ եթե քրդական կուսակցության անդամները ներկա չլինեն, այդ բանակցությունները, ինչպես և նախորդները, որևէ արդյունք չեն տա։

Մուսլիմը նաև նկատել է՝ դա բացասական կանդրադառնա սիրիական հակամարտության քաղաքական կարգավորման վրա։

Ավելի վաղ հաղորդվել էր, որ Թուրքիան սպառնացել է բոյկոտել սիրիական բանակցությունները, եթե դրանց հրավիրեն Քրդստանի աշխատավորական կուսակցության ներկայացուցիչներին։

7or.am