Ամերիկացի միլիարդատեր Ջորջ Սորոսն ԱՄՆ նախկին պետքարտուղար Հիլարի Քլինթոնի նախագահական քարոզարշավի համար 6 մլն դոլար է նվիրաբերել։ Այս մասին հայտնում է «ria.ru»–ն՝ «Hill»–ին հղումով։

Հաղորդվում է, որ, ընդհանուր առմամբ, միլիարդատերը 7 մլն դոլար է հատկացրել «Priorities USA Action»–ին, որն աջակցում է դեմոկրատ թեկնածուներին, ներկայումս՝ Հիլարի Քլինթոնին։ Կազմակերպությունը 2015–ին 41 մլն դոլար է հավաքել Քլինթոնի նախընտրական արշավի համար։

Խոշոր նվիրատվություններ են արել նաև երաժիշտ Հաիմ Սաբանն ու նրա կինը (5 մլն դոլար), և ֆինանսիստ Դոնալդ Սասսմանը (2,5 մլն դոլար)։

Աղբյուրը հիշեցնում է, որ Սորոսը նվիրատվություն էր արել նույն կազմակերպությանը նաև 2012–ին, երբ այն զբաղվում էր Բարաք Օբամայի նախընտրական արշավով։

7or.am