ՌԴ ՆԳՆ ներքին զորքերը հետախուզական նշանակության անօդաչուների համալիր են գնել՝ «Нелк В6» ուղղաթիռային տիպի։ Այս մասին հայտնում է «Интерфакс»–ը՝ ավիացիոն արդյունաբերությունում իր աղբյուրին հղումով։

Նշվում է, որ «Нелк В6» անօդաչուների համալիրի առաջին մատակարարումն իրականացել է 2015–ի վերջին։

Գործակալության զրուցակիցը հավելել է, որ ներկայումս դիտարկվում է նաև ՌԴ ՊՆ–ին նման համալիրների մատակարարման հարցը։

«Բացի ուժային կառույցներից՝ համալիրի հանդեպ հետաքրքրություն են ցուցաբերում նաև «Գազպրոմի» պատվիրատուները»,–ասել է զրուցակիցը։

Ավելի վաղ էլ հաղորդվել էր, որ ՌԴ ԱԻՆ–ը ծրագրում է այս տարի լրացուցիչ 422 անօդաչու գնել։

7or.am