ԱՄՆ–ում առաջիկա տարիներին հաստատ Բուշ ազգանունով նախագահ չի լինի։ Ֆլորիդայի նախկին նահանգապետ Ջեբը՝ Բուշ ավագի որդին և Բուշ կրտսերի եղբայրը, Հարավային Քարոլինայում տեղի ունեցած նախնական ընտրությունների արդյունքում մոտ 8% ձայն ստանալով՝ իր կողմնակիցներին շնորհակալություն է հայտնել ու դուրս եկել ԱՄՆ նախագահական ընտրապայքարից։ Իսկ ահա միլիարդատեր Դոնալդ Թրամփը հանրապետականների փրայմերիզում հաղթում է արդեն երրորդ անգամ։ Դե, իսկ դեմոկրատների առաջատարը Հիլարի Քլինթոնն է։

«Ես դադարեցնում եմ իմ ընտրարշավն ԱՄՆ նախագահի պաշտոնի համար։ Հպարտանում եմ պայքարով, որը մենք տարանք՝ մեր երկիրը միավորելու և պահպանողական արժեքներն առաջ մղելու համար»,–ասել է հանրապետական թեկնածուն։

7or.am