Մ.թ.ա. 782թ. Արգիշտի թագավորը հիմնադրեց Էրեբունի ամրոցը։ Քաղաքի տարածքում գտնվող այդ ամրոցի պեղումների ժամանակ հայտնաբերված սեպագիր մի արձանագրություն վկայում է. «Ես՝ Արգիշտիս, Մենուայի որդին, այս հոյակապ ամրոցը կառուցեցի և անվանեցի Էրեբունի ի փառս Բիայնիլիի և ի սարսափ թշնամիների»:

Քաղաքի ծննդյան մասին վկայող այս սեպագիր արձանագրությունն այժմ պահպանվում է «Էրեբունի» թանգարանում:

 «ՀՀ տոների և հիշատակի օրերի մասին» ՀՀ օրենքի 18-րդ հոդվածին համապատասխան՝ ՀՀ կառավարության 23.06.2005թ. թիվ 822-Ն որոշմամբ հոկտեմբերի երկրորդ շաբաթ օրը նշվում է որպես Երևանի օր:

Երևանի քաղաքապետարանը Էրեբունի-Երևանի ծննդյան օրվա կապակցությամբ բազմաթիվ տոնակատարություններ և շքեղ հրավառություն է կազմակերպել։

7or.am