Սիրիայում «Իսլամական պետության» ահաբեկիչների դեմ ռուսական ՌՕՈւ–ի ռազմարշավը կտրուկ բեկում մտցրեց սիրիական հակամարտության ընթացքի մեջ։ Միաժամանակ, Մոսկվան ցույց տվեց իր ժամանակակից սպառազինությունը։ «Sputnik» գործակալությունը կազմել է Սիրիայում առաջին անգամ կիրառված ռուսական ամենամահաբեր զենքերի հնգյակը։

Առաջին տեղում է հայտնվել սուպերմանևրող, բազմաֆունկցիոնալ կործանիչ Су-35–ը, որը համալրել է ՌԴ ՌՏՈւ–ն 2015–ին։ 2016–ին Սիրիայի «Հմեյմիմ» ավիաբազա է ժամանել 4 Су-35С։ Կործանիչի արդյունավետությունն արդեն իսկ գրավել է պոտենցիալ գնորդների ուշադրությունն ամբողջ աշխարհում։

Երկրորդ տեղում է «Կալիբր» հրթիռային համալիրը։ 2015–ին ՌԴ Կասպիական նավատորմի նավերից մի քանի հարյուր միլ հեռավորությունից արձակված այդ հրթիռները խոցել են ԻԼԻՊ–ի մի քանի օբյեկտ։

3–րդ տեղում գերձայնային ռազմավարական ռմբակոծիչ Ту-160–ն է՝ հայտնի նաև «Սպիտակ կարապ» անունով։

4–րդ տեղում ծանր հրանետային համակարգ ТОС-1А «Солнцепек»–ն է, որը Սիրիայում հողին է հավասարեցնում ահաբեկիչների դիրքերը։ Այն արդյունավետ է գործում հատկապես լեռնային շրջաններում։

Հնգյակը եզրափակում է զրահափոխադրող БТР-82А–ն, որն ընդունակ է փոշիացնել բետոնե կառույցները։

7or.am