«ARD» հեռուստաալիքին տված հարցազրույցում Գերմանիայի կանցլեր Անգելա Մերկելը հայտարարել է, որ միգրացիոն ճգնաժամի համապատկերին՝ իր պարտքն է համարում Եվրոպայի համար միասնական ճանապարհ գտնելը: Ըստ նրա՝ այդ ճգնաժամը Գերմանիայի և ամբողջ Եվրամիության պատմության մեջ շատ լուրջ փուլ է, և խնդրի ազգային լուծումները չեն թեթևացնի իրավիճակը. այն պետք է լուծվի Եվրոպայի համընդհանուր ուժերով:

Այսպես, օրինակ, Մերկելը հիշատակել է Ավստրիան, որի իշխանությունները հայտարարել են, որ օրական երկիրն ընդունելու է ոչ ավելի, քան 80 փախստական:

Մերկելը կարևորել է նաև Հունաստանին աջակցելու անհրաժեշտությունը:

«Մենք Հունաստանը եվրագոտում պահպանեցինք ոչ նրա համար, որ դժվար պահին առանց այդ էլ բազմաթիվ խնդիրներ ունեցող երկրին միայնակ թողնենք», - հայտարարել է կանցլերը:

7or.am