«Իսլամական պետության» մոտ 200 գրոհային Սիրիայի Ռաքքա քաղաքի բնակիչների կողմն է անցել։ Այս մասին հայտնում է РИА Новости-ն` վկայակոչելով իր աղբյուրներին։

Ավելի վաղ ԻԼԻՊ–ի սիրիական «մայրաքաղաքի» բնակիչներն ընդդիմացել էին ահաբեկիչներին և Սիրիայի պետական դրոշները կախել քաղաքի 5 թաղամասում: Բողոքի ցույցի դուրս եկած բնակիչները Սիրիայի բանակին աջակցող լոզունգներ են վանկարկել։

Բախումների ընթացքում նրանց հաջողվել է դուրս մղել ահաբեկիչներին քաղաքի 5 թաղամասից։ Ընդդիմադիրներին հաջողվել է բջջային կապ հաստատել կառավարական զորքերի ներկայացուցիչների հետ։

7or.am