Ֆրանսիայի ԱԳՆ ղեկավար Ժան–Մարկ Էյրոն իր դժգոհությունն է հայտնել թուրքական իշխանությունների՝ ընդդիմադիր «Զաման» պարբերականը վերահսկելու կապացությամբ։ Այս մասին հայտնում է «Reuters»–ը։ Էյրոն Թուրքիայի նման պահվածքն անընդունելի է համարել, որը հակասում է եվրոպական արժեքներին։

«Դա անթույլատրելի է։ Չի կարելի ցանկանալ մոտ գտնվել եվրոպական չափանիշներին և, միևնույն ժամանակ, չհարգել ԶԼՄ–ն։ Դա ակնհայտ է, և մենք հստակորեն հասկացնել ենք տվել դա թուրքերին»,–շեշտել է Էյրոն։

Աղբյուրը նշում է, որ թուրքական իշխանությունները վերահսկողության տակ են վերցրել «Զամանը» Ստամբուլի դատախազի խորհրդով։

Ավելի վաղ էլ Թուրքիայի վարչապետ Ահմեդ Դավութօղլուն հերքել էր կառավարության մասնակցությունը «Zaman»–ի խմբագրության գրավմանը։

7or.am