Թուրքիայի և Ադրբեջանի նախագահներ Ռեջեփ Թայիփ Էրդողանն ու Իլհամ Ալիևն այսօր կհանդիպեն Անկարայում, որտեղ կկայանա երկու երկրների միջև բարձր մակարդակի համագործակցության համաժողովը։

Հիշեցնենք՝ ավելի վաղ հայտնի էր դարձել, որ Թուրքիայի նախագահ Ռեջեփ Թայիփ Էրդողանի այցը Բաքու չեղյալ է հայտարարվել Ադրբեջանի պահանջով։ «Milliyet»–ը գրել էր, որ Ադրբեջանի նախագահ Իլհամ Ալիևն է պնդել, որ Թուրքիայի և Ադրբեջանի միջև բարձր մակարդակի համագործակցության համաժողովը Բաքվի փոխարեն Անկարայում անցկացվի։

Էրդողանն ընդունել է այդ առաջարկն ու այդ քայլի համար երախտագիտություն հայտնել Ալիևին։

Տեղական ԶԼՄ–ի փոխանցմամբ՝ նախագահները կքննարկեն տարածաշրջանի անվտանգությանն առնչվող հարցեր։ Նաև չի բացառվում, որ Բաքուն փորձի հաշտեցնել Անկարային ու Մոսկվային։

7or.am