Ուկրաինայի Գերագույն ռադայում տեղի ունեցած զավեշտալի դեպքը, երբ պատգամավոր Օլեգ Բարնան գրկում ու հեռացնում է ամբիոնի մոտից վարչապետ Արսենի Յացենյուկին, ոգեշնչել է նաև Օդեսսայի խորհրդարանականներին։ Այս անգամ «զոհը» նահանգապետ Միխայիլ Սահակաշվիլիի տեղակալ Ալեքսանդր Բորովիկն էր, իսկ Բարնայի «դերը խաղացել է» պատգամավոր Դմիտրի Պալպատինը։

Օդեսսայի քաղխորհրդում ռոմանտիկ դեմարշի պատճառը Բորովիկի բոցաշունչ ելույթն է եղել. բանախոսն Օդեսսան անվանել է «ամենավատ քաղաքը, որտեղ ինքը երբևէ ապրել է», և հավելել, որ գործող իշխանությունը լեգիտիմ չէ, քանի որ տեղական ընտրությունների արդյունքները կեղծվել են։