Մարտի 16-ին՝ ժամը 17.10-ին, հիվանդանոց բուժօգնության է դիմել 65-ամյա կին և հայտնել, որ վնասվածքը ստացել է մարտի 16-ին՝ ժամը 16.00-ին, Երևանի Հալաբյան և Մարգարյան փողոցների խաչմերուկում գտնվող կանգառում, թիվ 18 երթուղու ավտոբուսի մեջ ընթացքի ժամանակ վայր ընկնելու հետևանքով:
Կատարվում է քննություն:

***
Մարտի 16-ին՝ ժամը 18.00-ին, «ՎԱԶ-21070» մակնիշի ավտոմեքենան Երևանի Արտաշիսյան փողոցի թիվ 79 շենքի մոտ բախվել է «ԶԻԼ» մակնիշի բեռնատար ավտոմեքենայի:
«ՎԱԶ-21070»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 16-ին՝ ժամը 01.30-ին, Երևանի Ավետիսյան և Գյուլբենկյան փողոցների խաչմերուկում իրար են բախվել «Շկոդա-Ֆաբիա» և «BMW» մակնիշի ավտոմեքենաներ:
«Շկոդա-Ֆաբիա»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 16-ին՝ ժամը 23.50-ին, «Նիսան Մարչ» մակնիշի ավտոմեքենան Երևանի Իսակովի պողոտայի թիվ 24 հասցեի դիմաց բախվել է էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 16-ին՝ ժամը 09.50-ի սահմաններում, «Մերսեդես C-180» մակնիշի ավտոմեքենայի վարորդը Արմավիրի մարզի Տանձուտ գյուղի կենտրոնական փողոցի թիվ 13 տան դիմաց վրաերթի է ենթարկել 8-ամյա աղջկա և նրան տեղափոխել հիվանդանոց:
Կատարվում է քննություն:

***
Մարտի 16-ին՝ ժամը 10.00-ի սահմաններում, «Մերսեդես Բենց E-320» մակնիշի ավտոմեքենան Ալավերդի-Վրաստան սահմանի ճանապարհի 16-րդ կմ-ին բախվել է «ՎԱԶ-2106» մակնիշի ավտոմեքենայի:
«ՎԱԶ-2106»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 16-ին՝ ժամը 20.50-ի սահմաններում, անհայտ ավտոմեքենայի վարորդը Հրազդանի Միկրոշրջան թաղամասի շուկայի խաչմերուկում վրաերթի է ենթարկել 18-ամյա երկու երիտասարդի և դիմել փախուստի:
Երիտասարդները մարմնական վնասվածքներով դիմել են հիվանդանոց:
Կատարվում է քննություն: