ԱՄՆ Օհայո նահանգի ոստիկանությունը ձերբակալել է մի մարդու, որը զանգահարել էր ՀԴԲ և սպառնացել հաշվեհարդար տեսնել ԱՄՆ նախագահ Բարաք Օբամայի և նախագահի դեմոկրատ թեկնածու Հիլարի Քլինթոնի հետ։ Այս մասին հայտնում է «ABC News» հեռուստաալիքը։

Այժմ Քլիվլենդի 35-ամյա բնակիչ Ջոնաթան Սմիդին պաշտոնապես մեղադրանք է ներկայացվել սպանության սպառնալիքի համար. ամերիկացուն ազատազրկում է սպառնում։

Հարցաքննության ժամանակ նա հաղորդել է, որ զանգահարելու պահին ալկոհոլի ազդեցության տակ է եղել և հաշիվ չի տվել իր գործողություններին։ Սմիդը հավատացրել է, որ իրականում ոչ ոքի էլ չի ցանկացել վնասել։

7or.am