ԵԱՀԿ Մինսկի խմբի համանախագահները՝ Ֆրանսիայի, Ռուսաստանի և ԱՄՆ-ի ներկայացուցիչները, մոտ օրերս կայցելեն Երևան, Բաքու և Լեռնային Ղարաբաղ։ Այդ մասին, РИА «Новости»–ի փոխանցմամբ, այսօր լրագրողներին հայտնել է Ֆրանսիայի ԱԳՆ պաշտոնական ներկայացուցիչ Ռոմեն Նադալը։

ՀՀ արտաքին գործերի նախարարության մամուլի քարտուղար Տիգրան Բալայանն էլ «Թվիթթերի» իր էջում տեղեկացրել է, որ ապրիլի 9–ին նախատեսվում է ԵԱՀԿ Մինսկի խմբի համանախագահների այցը Հայաստան։

«ԵԱՀԿ Մինսկի խմբի համանախագահները 09.04 կժամանեն Երևան»,–հայտնել է Բալայանը՝ հավելելով, որ նրանց կընդունի Սերժ Սարգսյանը, հանդիպում կկայանա նաև ԱԳ նախարարի հետ։

7or.am