ԱՄՆ հատուկ ծառայությունները, գործընկեր-երկրների հատուկ ռազմական գերատեսչությունների հետ համատեղ, պատրաստվում են ավելի հզոր զենք մատակարարել Սիրիայի ընդդիմությանն այն դեպքում, եթե հրադադարի ռեժիմը խախտվի:

«The Wall Street Journal»-ի փոխանցմամբ` ԿՀՎ-ն պատրաստվում է հակաօդային հակահրթիռային պաշտպանության միջոցներ մատակարարել Սիրիային:

Ըստ աղբյուրի` այսպես կոչված «Բ» պլանի նպատակն է միջոցներ տրամադրել սիրիական ընդդիմությանը, որպեսզի նրանք կարողանան «հարվածներ հասցնել սիրիական ռեժիմի ինքնաթիռներին և հրետանային դիրքերին»:

Նշվում է, որ հրադադարի ռեժիմի պահպանման պարագայում զենքը չի մատակարարվի:

Ուշագրավն այն է, որ ավելի վաղ ԱՄՆ Պետդեպի ներկայացուցիչ Մարկ Թոները դաշնակիցներին կոչ էր արել դադարեցնել զենք մատակարարել սիրիական ընդդիմությանը:

7or.am