Հայաստանում Գերմանիայի դեսպան Բերնհարդ Մաթիաս Քիսլերը հաստատել է, որ Լեռնային Ղարաբաղի հակամարտության կարգավորման համար Գերմանիան ներքին շրջանառության մեջ է դրել յոթ կետից կազմված մի փաստաթուղթ:

«Փաստաթղթում նշված են մի քանի հիմնական դրույթներ, որոնցից կարևորը կրակի դադարեցման ռեժիմը պահպանելն է», - «Ինտերֆաքս»-ի փոխանցմամբ՝ ասել է դեսպանը, սակայն չի հստակեցրել առաջարկի մանրամասները: Պարզ չէ նաև՝ արդյոք այդ փաստաթուղթը քննարկվե՞լ է ԵԱՀԿ Մինսկի խմբի համանախագահների հետ։ Դեսպանն ասել է, թե այդ մասին տեղեկություն չունի:

«azatutyun.am»