Ներկայումս նկատվում է ՆԱՏՕ–ի ռազմական ակտիվության աննախադեպ աճ Արևելյան թևում՝ «սառը պատերազմի» ավարտից հետո ՌԴ–ին ճնշելու նպատակով։ РИА «Новости»–ի փոխանցմամբ՝ նման հայտարարություն է արել ՌԴ ԱԳՆ ղեկավար Սերգեյ Լավրովը։

«ՆԱՏՕ–ն զբաղված է թշնամու որոնումներով իր հետագա գոյությունն իմաստավորելու համար։ Ռուսաստանը մտադիր չէ և չի ներքաշվի անիմաստ դիմակայության մեջ»,–ասել է Լավրովը՝ հավելելով, որ անվտանգության ոլորտում համաեվրոպական փոխշահավետ համագործակցությունը, անվտանգության անբաժանելիության սկզբունքի հիման վրա, խելամիտ այլընտրանք չունի։

Լավրովը նաև ընդգծել է՝ դաշինքի գործողություններն ուղեկցվում են ագրեսիվ արշավով՝ ուղղված ՌԴ–ի դեմոնիզացմանը։

7or.am