Էկվադորի երկրաշարժի հետևանքով զոհվածների թիվը հասել է 413–ի։ Ավելի վաղ երկրի նախագահ Ռաֆայել Քորրեան հայտնել էր 246 մահացածի և ավելի քան 2.500 վիրավորի մասին։

Հիշեցնենք՝ ապրիլի 17-ին՝ տեղական ժամանակով ժամը 03.58-ին (Գրինվիչի ժամանակով` ժամը 23.58-ին) Էկվադորի ափերի մոտ գրանցվել է հյուսիսային լայնության 00.35⁰ և արևելյան երկայնության 79.97⁰ աշխարհագրական կոորդինատներով (Էկվադորի ափամերձ տարածք), օջախի 20 կմ խորությամբ, 7.4 մագնիտուդով երկրաշարժ:

Ստորգետնյա ցնցումների ուժգնությունն էպիկենտրոնում կազմել է 8-9 բալ: